21-Feb-2012 (Tue)
ခေတ်စားလာခြင်း
ကမ္ဘာ့စစ်တုရင်အကြောင်းကို သိသင့်တယ်လို့ ယူဆမိတာကြောင့် ရေးဖြစ်တာပါ။ စစ်တုရင်သမိုင်း၊ အမှတ်ပေးစနစ်၊ ပြိုင်ပွဲကျင်းပနည်း စသဖြင့်ပေါ့။
စစ်တုရင်ဆိုတာ ဂိမ်းတစ်ခုပါ။ ယခုအခါမှာတော့ အားကစားတစ်ရပ်လို ဖြစ်လာနေပါပြီ။ ကမ္ဘာ့စစ်တုရင်အိုလံပစ်နှင့် ကမ္ဘာကျော် စူပါဂရင်းမာစတာပြိုင်ပွဲကြီးများကြောင့်လည်း ပါတယ်။ ယနေ့အချိန်လို အင်တာနက်ပေါ်ကနေ Online Chess Playing တွေခေတ်စားလာတာရယ်၊ အရှေ့တောင်အာရှ အားကစားပွဲတော်မှာ (၃)ကြိမ် (၂၀၀၃၊၂၀၀၅၊၂၀၁၁)တိတိ ထည့်သွင်းလာတာရယ်၊ ၂၀၀၆ခုနှစ် ကာတာနိုင်ငံတွင်ကျင်းပသော အာရှအားကစားပွဲတော်မှာ ပါဝင်လာတာရယ်၊ (၂၀၁၀ အာရှအားကစားပြိုင်ပွဲ နဲ့ နောက်ကျင်းပမည့်၂၀၁၄ အာရှအားကစားပွဲတောတွေမှာတော့ ပါဝင်လာခြင်းမရှိတော့ပါ) ၂၀၁၃ခုနှစ် မြန်မာနိုင်ငံက အိမ်ရှင်အဖြစ် လက်ခံကျင်းပမည့် (၂၇)ကြိမ်မြောက် အရှေ့တောင်အာရှ အားကစားပွဲတော်မှာ စစ်တုရင်အားကစားနည်းများ(အပြည်ပြည်ဆိုင်ရာစစ်တုရင်နှင့် အာဆီယံစစ်တုရင်) ပါဝင်လာမယ်လို့ သိရတဲ့အတွက် တစ်စထက်တစ်စ နယ်ပယ်ကျယ်ဝန်းလာခဲ့ပါတယ်။ စစ်တုရင်လို့ ပြောလိုက်တာနဲ့ ကမ္ဘာ့စစ်တုရင်အဖွဲ့ချုပ်အကြောင်း စပြောရတော့မှာပါ။
ကမ္ဘာ့စစ်တုရင်အဖွဲ့ချုပ်
ကမ္ဘာ့စစ်တုရင်အဖွဲ့ချုပ် ဖီဒဲ (FIDE) (Fédération Internationale des Échecs) ကို ပြင်သစ်နိုင်ငံ၊ ပဲရစ်မြို့မှာ ၁၉၂၄၊ဇူလိုင်လ(၂၄)ရက်နေ့မှာ တည်ထောင်ခဲ့ပါတယ်။ ပြင်သစ်အမည်(FIDE) နဲ့ဖွဲ့စည်းခဲ့ပြီး ယနေ့အချိန်ထိလည်း အဆိုပါနာမည်နဲ့ပဲ လူသိများပါတယ်။ (WCF – World Chess Federation) ဆိုတဲ့ နာမည်နဲ့လည်း လူသိများပါသေးတယ်။
ကမ္ဘာ့စစ်တုရင်အဖွဲ့ချုပ် ဥက္ကဋ္ဌကတော့ Kirsan Ilyumzhinov (the President of the Republic of Kalmykia) ဖြစ်ပါတယ်။ သူ့ရဲ့နိုင်ငံနဲ့ သူ့ကိုတော့ ဥရောပရဲ့ ဗုဒ္ဓဘာသာတည်ထောင်သူလို့ လူသိများပါတယ်။ သူကိုယ်တိုင်လည်း ဗုဒ္ဓဘာသာကို ကိုးကွယ်ပါတယ်။ ဥက္ကဋ္ဌတာဝန်ကိုတော့ ၁၉၉၅ခုနှစ် မှ ယနေ့အချိန်ထိ တာဝန်ယူထားပါတယ်။
ကမ္ဘာ့စစ်တုရင်သမိုင်း
ကမ္ဘာ့စစ်တုရင်သမိုင်းအကြောင်းကို လေ့လာကြည့်တဲ့အခါမှာ ရှေးပဝေသဏီကတည်းက စတင်ခဲ့သော်လည်း ကမ္ဘာတစ်ဝှမ်း လက်ခံထားခဲ့ကြတာကတော့ ၁၈၈၆ခုနှစ်ရောက်မှ ကမ္ဘာ့ချန်ပီယံအဖြစ် စတိန်းနစ် (Steinitz)ကို ပထမဆုံးသောကမ္ဘာ့စစ်တုရင်ချန်ပီယံအဖြစ် အငြင်းပွားဖွယ်ရာမရှိဘဲ တစ်ညီတညွှတ်တည်း သတ်မှတ်ခဲ့ကြပါတယ်။ လက်ရှိအချိန်ထိ ကမ္ဘာ့စစ်တုရင်ချန်ပီယံများမှာ အောက်ပါအတိုင်း ဖြစ်ပါတယ်။
၁။ စတိန်းနစ် (1886-94) (8)years
၂။ လက်စ်ကာ (1894-1921) (27)years
၃။ ကာပါဘလင်ကာ (1921-27) (6)years
၎။ အလီခိုင် (1927-35) (1937-46) (17)years
၅။ ယူဝီ (1935-37) (2)years
၆။ ဘော့ဗင်းနစ် (1948-57) (1958-60) (1961-63) (13)years
၇။ စမိုင်စလော့ (1957-58) (1)year
၈။ တားလ် (1960-61) (1)year
၉။ ပက်ထရိုဆီယင် (1963-69) (6)years
၁၀။ စပါစကီး (1969-72) (3)years
၁၁။ ဖစ်ရှာ (1972-75) (3)years
၁၂။ ကားပေါ့ (1975-85) (10)years
၁၃။ ကက်စပါးရော့ (1985-1993) (8)years
၁၉၉၃ခုနှစ်အထိကတော့ ကမ္ဘာ့ချန်ပီယံ (၁၃)ဦးထိပေါ်ထွက်လာခဲ့ပေမယ့် နောက်ပိုင်းနှစ်များတွေမှာတော့ ရှုပ်ရှုပ်ထွေးထွေး ဖြစ်ရပ်တွေများပြားလာတာကို တွေ့ရပါတယ်။
၁၉၉၃ခုနှစ်မှာ လက်ရှိချန်ပီယံ ဂယ်ရီကက်စပါးရော့ ဟာ FIDE ရဲ့ လုပ်ဆောင်ချက်တွေကို မကျေနပ်တာကြောင့် ပရော်ဖက်ရှင်နယ်စစ်တုရင်အဖွဲ့အစည်း (PCA – Professional Chess Asscoiation)ကို စိန်ခေါ်သူအဆင့်ဖြင့် တက်လှမ်းလာသူ နီဂယ်ရှော့(Nigel Short)နှင့်အတူ သီးခြားတည်ထောင်ခဲ့ပြီး PCA World Chess Champion ပြိုင်ပွဲကြီးကို ကျင်းပခဲ့ပါတယ်။ ကက်စပါးရော့အနိုင်ရပြီး PCA ကမ္ဘာ့စစ်တုရင်ချန်ပီယံဖြစ်လာပါတယ်။ PCA ပြိုင်ပွဲများကို (Classical World Chess Championship)လို့လည်း ခေါ်ဝေါ်ကြပါတယ်။ အခြားတစ်ဖက်မှာလည်း ကက်စပါးရော့နှုတ်ထွက်သွားတာကြောင့် လစ်လပ်နေသော FIDE ရဲ့ ချန်ပီယံအဖြစ် (၁၉၉၆ခုနှစ်)တွင် ကားပေါ့က စိန်ခေါ်သူအဆင့်ဖြင့် တက်လှမ်းလာသူ ကမ်းစကီးကိုအနိုင်ယူကာ ကမ္ဘာ့စစ်တုရင်အဖွဲ့ချုပ်ချန်ပီယံ ဖြစ်လာပါတယ်။ FIDE နဲ့ PCA ချန်ပီယံများကို သီးခြားစီဖော်ပြပေးထားပါတယ်။
FIDE World Champions (1993-2006) Classical (PCA/Braingames) World
Champions (1993–2006)
- ကားပေါ့ (1993-99) - ကက်စပါးရော့ (1993-2000)
- ခါလစ်မန်း (1999-2000) - ကရမ်းနစ် (2000-2006)
- အနန်း (2000-02)
- ပနိုမာရီရော့ (2002-04)
- ကက်ဆင်ဇာနော့ဗ် (2004-05)
- တိုပါလော့ (2005-06)
အထက်ပါ ကမ္ဘာ့အဖွဲ့ချုပ်တွေရဲ့ ချန်ပီယံများ ပေါ်ထွက်လာခဲ့သော်လည်း အငြင်းပွားဖွယ်ရာများကြောင့် ဘယ်သူက ကမ္ဘာ့ချန်ပီယံအစစ်လည်းလို့ မေးစရာတွေနဲ့ ပြည့်နှက်နေခဲ့ပါတယ်။ ၂၀၀၆ခုနှစ်မှာတော့ အဖြေထွက်ပေါ်လာခဲ့ပါတယ်။ FIDE ချန်ပီယံ တိုပါလော့နှင့် Classical ချန်ပီယံ ကရမ်းနစ်တို့ကို ကမ္ဘာ့စစ်တုရင်ချန်ပီယံ ဗိုလ်လုပွဲအဖြစ် အငြင်းပွားဖွယ်မရှိဘဲ အားလုံးသတ်မှတ်ခဲ့ကြပါတယ်။ အဆိုပါပွဲမှာ ကရမ်းနစ်က ဗိုလ်စွဲသွားပါတယ်။ ဒါကြောင့် (၁၄)ယောက်မြောက် ကမ္ဘာ့စစ်တုရင်ချန်ပီယံ ဖြစ်လာပါတယ်။
၁၄။ ကရမ်းနစ် (2006-07) (1)year
၁၅။ အနန်း (2007-present)
လက်ရှိအချိန်(2012)မှာတော့ ကမ္ဘာ့စစ်တုရင်ချန်ပီယံဗိုလ်လုပွဲ (World Chess Championship 2012)ကို အိန္ဒိယနိုင်ငံသား ကမ္ဘာ့စစ်တုရင်ချန်ပီယံ အနန်းက စိန်ခေါ်သူအဖြစ် တက်လှမ်းလာသူ အစ္စရေးနိုင်ငံသား ဂျဲလ်ဖန်းနဲ့ ၂၀၁၂ခုနှစ်၊ မေလထဲမှာ ကျင်းပတော့မှာ ဖြစ်ပါတယ်။ ၂၀၁၂ခုနှစ်၊ ဇန်န၀ါရီလ ထုတ်ပြန်ချက်အရ အနန်းကတော့ လက်ရှိကမ္ဘာ့နံပါတ်(၄)ဖြစ်ပြီး၊ ဂျဲလ်ဖန်းကတော့ လက်ရှိကမ္ဘာ့နံပါတ်(၁၆)ဖြစ်ပါတယ်။ ဘယ်သူဗိုလ်စွဲမလဲဆိုတာ ရင်ခုန်စွာနဲ့စောင့်ကြည့်ရမှာ ဖြစ်ပါတယ်။
ကမ္ဘာ့စစ်တုရင်အဖွဲ့ချုပ် (FIDE)ရဲ့ ကမ္ဘာ့အဆင့်ထုတ်ပြန်ချက်ကို ပထမဆုံးအနေနဲ့ ၁၉၇၁ခုနှစ်၊ ဇူလိုင်လမှာ ထုတ်ပြန်ခဲ့ပါတယ်။ ကမ္ဘာ့စစ်တုရင်ချန်ပီယံ အမေရိကန်နိုင်ငံသား ဂရင်းမာစတာဖစ်ရှာက အဆင့်(၁)နေရာကို ရရှိခဲ့ပါတယ်။
ဧလိုစံနှုန်းစနစ်
စစ်တုရင်အဆင့်များကို ဧလိုစံနှုန်းစနစ် (Elo rating system)နဲ့ သတ်မှတ်ပါတယ်။ ကွဲပြားခြားနားတဲ့ စစ်တုရင် အဖွဲ့အစည်းအသီးသီးရဲ့ စံနှုန်းစနစ်များ(Different Ratings Systems) ထဲက FIDE ရဲ့ elo rating ဟာ ပြိုင်ပွဲဝင်စစ်တုရင်ကစားသမားများအတွက် အလွန်ပဲအရေးပါလှပါတယ်။ ၂၀၀၉၊ ဇူလိုင်လကစပြီး (FIDE)က ဧလိုစံနှုန်းများကို(၂)လတစ်ကြိမ် ထုတ်ပြန်ပေးခဲ့ပါတယ်။ elo စံနှုန်းကို တစ်နည်းအားဖြင့် FIDE rating လို့လည်း ခေါ်ပါတယ်။
FIDE rating စနစ်အရ ၂၀၁၁ခုနှစ်၊ နိုဝင်ဘာလမှာ ထုတ်ပြန်ခဲ့တဲ့ ကစားသမားအရေအတွက်နှင့် ဘွဲ့အမည်ပါ။ ထူးခြားချက်အနေနဲ့ ၂၀၁၂ခုနှစ်၊ ဇန်န၀ါရီလထုတ်ပြန်ချက်အရ ဧလိုစံနှုန်း(၂၈၀၀)နှင့်အထက် ရောက်ရှိလာသူ (၄)ဦးကို ပထမဆုံးအကြိမ် တွေ့မြင်ရခြင်းပဲ ဖြစ်ပါတယ်။
- 5839 players had an active rating between 2200 and 2299, and are usually associated with the (CM) Candidate Master title.
- 2998 players had an active rating between 2300 and 2399, and are usually associated with the (FM) FIDE Master title.
- 1382 players had an active rating between 2400 and 2499, most of whom had either the (IM) International Master or the (GM) Grand master title.
- 587 players had an active rating between 2500 and 2599, most of whom had the (GM) Grand master title
- 178 players had an active rating between 2600 and 2699, all but one of whom had the (GM) Grand master title
- 42 players had an active rating between 2700 and 2799 (GM) Grand master
- 4 active players had a rating over 2800: Magnus Carlsen, Viswanathan Anand, Vladimir Kramnik and Levon Aronian.
ပြိုင်ပွဲအမျိုးအစား (Categories)
နောက်ပြီး FIDE Tournament Categories မှာ ပျှမ်းမျှစံနှုန်းကို အနိမ့်ဆုံးပြိုင်ပွဲ (Category 1 = 2251 to 2275)မှ အမြင့်ဆုံးပြိုင်ပွဲ (Category 22 = 2776 to 2800)ထိ သတ်မှတ်ထားပါတယ်။Categories. Avge. Elo
Category 1 = 2251 - 2275
Category 2 = 2276 - 2300
Category 3 = 2301 – 2325
Category 4 = 2326 – 2350
Category 5 = 2351 – 2375
Category 6 = 2376 – 2400
Category 7 = 2401 – 2425
Category 8 = 2426 – 2450
Category 9 = 2451 – 2475
Category 10 = 2476 – 2500
Category 11 = 2501 – 2525
Category 12 = 2526 – 2550
Category 13 = 2551 – 2575
Category 14 = 2576 – 2600
Category 15 = 2601 – 2625
Category 16 = 2626 – 2650
Category 17 = 2651 – 2675
Category 18 = 2676 – 2700
Category 19 = 2701 – 2725
Category 20 = 2726 – 2750
Category 21 = 2751 – 2775
Category 22 = 2776 – 2800
စံချိန်၊ စံနှုန်း
ဒီအပိုင်းကတော့ ယေဘုယျအနေနဲ့ သိထားသင့်ပါတယ်။ FIDE ကချီးမြှင့်တဲ့ဘွဲ့ (eg. GM, IM)တွေကို ရဖို့ဆိုရင် ပထမဆုံး စစ်တုရင်အဖွဲ့ချုပ်က အသိအမှတ်ပြုထားတဲ့ Tournament ပြိုင်ပွဲတွေမှာ (Norm)နော်မ် စံချိန်၊စံနှုန်း ရရှိဖို့လိုအပ်ပါတယ်။ ဆိုလိုတာက GrandMaster ဘွဲ့ရဖို့ဆိုရင် ဧလိုစံနှုန်း(၂၅၀၀)နှင့်အထက် ရှိထားရမှာဖြစ်ပါတယ်။ ပြိုင်ပွဲကြီးများမှာ အနည်းဆုံး(၂၇)ပွဲကစားရမှာဖြစ်ပြီး (၃)နှစ်အတွင်း GM Norm (၃)ခုနှင့်အထက်ရရှိသူကိုသာ ပေးအပ်ချီးမြှင့်တာ ဖြစ်ပါတယ်။ ခြွင်းချက်တော့ ရှိပါတယ်။ အလားတူပဲ IM ဖြစ်ဖို့ဆိုရင်လည်း ဧလိုစံနှုန်း(၂၄၀၀)နှင့် (၂၅၀၀)ကြား ရှိထားရမှာဖြစ်ပြီး International Tournament ပြိုင်ပွဲများမှာ ပါဝင်ယှဉ်ပြိုင်ရပါမယ်။ IM Norm (၃)ခုရရှိသူကိုသာ ပေးအပ်ချီးမြှင့်တာ ဖြစ်ပါတယ်။ မိမိပြိုင်ပွဲဝင်တဲ့ Category အနိမ့်အမြင့်ပေါ်မူတည်ပြီး Norm ရရှိစေပါတယ်။ Category အမြင့်မှာပြိုင်ပြီး အမှတ်ပေးဇယား အလယ်လောက်မှာ ရှိနေရင်လည်း Norm ရနိုင်တဲ့ အခွင့်အလမ်းရှိပါတယ်။ Categories ဆိုတာကလည်း ပြိုင်ပွဲရဲ့အဆင့်အတန်းကို သတ်မှတ်ပေးသလို တစ်ခြားတဖက်မှာလည်း GM Norm, IM Norm ရရှိစေဖို့ သတ်မှတ်ပေးထားတာပဲ ဖြစ်ပါတယ်။ အစဉ်အလာအရဆိုရင် IM ဖြစ်ပြီးမှ GM ဖြစ်တာဆိုပေမယ့်၊ ပါရမီရှင်ကစားသမားတစ်ချို့ကတော့ IM ကိုကျော်လွှားပြီး GM တန်းဖြစ်တဲ့သူတွေလည်း ရှိပါတယ်။ ဂျဲလ်ဖန်းတို့၊ ကရမ်းနစ်တို့လိုပေါ့။
မြန်မာ့လက်ရွေးစင်
မြန်မာနိုင်ငံလက်ရွေးစင် စစ်တုရင်ကစားသမားတွေထဲမှာတော့ FIDE rating အရ
GM (1) : Ko Zaw Win Lay (2376) (၂၀၀၀ ခုနှစ်ကရရှိ)
IM (4) : Ko Wynn Zaw Htun (2414) (၂၀၀၄ ခုနှစ်ကရရှိ)
: Ko Aung Aung (2330) (၁၉၉၉ ခုနှစ် ကရရှိ)
: Ko Myo Naing (2321) (၁၉၉၉ ခုနှစ် ကရရှိ)
: Ko Nay Oo Kyaw Htun (2295) (၁၉၉၉ ခုနှစ်ကရရှိ)
FM (21) နဲ့ WFM (3) ဦးရှိပါတယ်။
မြန်မာ့စစ်တုရင်ကစားသမားများထဲမှာတော့ ဂုဏ်ယူစရာအနေနဲ့ လက်ရှိမြန်မာနိုင်ငံရဲ့ စစ်တုရင်အဖွဲ့ချုပ်ဥက္ကဋ္ဌဖြစ်သူ ဦးမောင်မောင်လွင်ဆိုရင် FIDE ကချီးမြှင့်သော အပြည်ပြည်ဆိုင်ရာဒိုင်လူကြီးဘွဲ့(IA = International Arbiter)ကို ၁၉၉၇ခုနှစ်ကတည်းက ရရှိခဲ့ပါတယ်။ မြန်မာနိုင်ငံရဲ့ပထမဆုံးရရှိသော တစ်ဦးတည်းသောပုဂ္ဂိုလ် ဖြစ်တယ်။ ဒါ့အပြင် မြန်မာနိုင်ငံရဲ့ တစ်ဦးတည်းသော ဂရမ်းမာစတာဘွဲ့ရရှိသူ GMဇော်ဝင်လေးသည် ၂၀၀၀ခုနှစ်က အင်ဒိုနီးရှားနိုင်ငံတွင် ကျင်းပသော(Japfa Classic Open Chess Tournament) ပြိုင်ပွဲတွင် ကမ္ဘာ့စစ်တုရင်ချန်ပီယံ(ဟောင်း) အနာတိုလီ ကားပေါ့ကို သရေ ကစားထားသည်မှာလည်း မြန်မာ့စစ်တုရင်လောကအတွက် အားတက်ဖွယ်ရာ ဖြစ်ခဲ့ပါတယ်။ မျိုးဆက်သစ်ထဲက ၀င်းဇော်ထွန်းဆိုရင်လည်း လက်ရှိအချိန်ထိ မြန်မာနိုင်ငံရဲ့ အကောင်းဆုံးစစ်တုရင်ကစားသမား ဖြစ်ပါတယ်။ မျိုးဆက်သစ်များကို နေရာပေးဖို့ လိုအပ်ချက်တွေကတော့ အဖွဲ့ချုပ်မှာ ရှိနေဆဲပါ။
စစ်တုရင် အမျိုးအစား
စစ်တုရင်ကစားနည်းမှာ ပုံမှန်စစ်တုရင်နဲ့ အမြန်စစ်တုရင်ဆိုတဲ့ အမျိုးအစားတွေရှိပါတယ်။ ကမ္ဘာကျော် အမြန်စစ်တုရင်ပါရဂူတွေကတော့ လက်ရှိကမ္ဘာ့ချန်ပီယံ အနန်း၊ အမေရိကန်ချန်ပီယံ ကမ်းစကီးတို့ဟာ Rapid Chess ကစားပွဲတွေမှာ နာမည်ကျော်ကြားလှပါတယ်။
ပုံမှန် စစ်တုရင်ပြိုင်ပွဲ
Standard Chess (90 minutes) + (addition of 30 seconds per move)
အမြန် စစ်တုရင်ပြိုင်ပွဲများ
Rapid Chess (between 15 and 30 minutues)
Blitz Chess (between 3 and 5 minutes)
Bullet Chess (between 1 and 3 minutes)
Lightning Chess (1 minute)
မျက်ကွယ်အမြန်စစ်တုရင်(Blindfold Rapid Chess)ဆိုတာလည်း ရှိပါသေးတယ်။
ယခုအခါမှာတော့ အဆင့်မြင့်စစ်တုရင်ပြိုင်ပွဲကြီးများမှာ ရွှေ့ချိန်ကန့်သတ်ချက်ကိုလည်း ကစားပွဲတစ်ခုအတွက် ကစားသမားတစ်ဦးလျှင် (၉၀)မိနစ်ခွင့်ပြုပြီး ရွှေ့ကွက်တိုင်းအတွက် အပိုဆောင်း(၃၀)စက္ကန့် ချီးမြှင့်သောစနစ်ကို ပြောင်းလဲကျင့်သုံးလာပြီ ဖြစ်ပါတယ်။
ယခင်အချိန်က နောက်ဆုံးကျင့်သုံးခဲ့သော ကစားသမားတစ်ဦးလျှင် (၄၀)ကွက်/ (၂)နာရီ + (၂၀)ကွက်/ (၁)နာရီ + ပွဲအပြီး / (၃၀)မိနစ်စနစ်ဖြင့် နှိုင်းယှဉ်ပါက ကစားသမားတစ်ဦးအတွက် ကစားချိန်ခွင့်ပြုချက် ထက်ဝက်ခန့် နည်းသွားသည်ကို တွေ့ရပါမယ်။
ကမ္ဘာ့စစ်တုရင်အိုလံပစ်နဲ့ ကမ္ဘာကျော် ဂရင်းမာစတာပြိုင်ပွဲကြီးများတွင်လည်း အဆိုပါစနစ်ကိုကျင့်သုံးရန် ကမ္ဘာ့စစ်တုရင်အဖွဲ့ချုပ်မှ ပြဌာန်းခဲ့ပါတယ်။ ယခုခေတ်လို အင်တာနက်နှင့် အခြားသော စာနယ်ဇင်း၊ မီဒီယာများအတွက်လည်း ပိုမိုဆွဲဆောင်မှု ဖြစ်စေခဲ့ပါတယ်။
တိုးတောင်းလှသောကစားချိန်အတွင်းမှာ ရှုပ်ထွေးသော ကစားကွက်အနေအထားမှ တိကျသောတွက်ချက်မှုများဖြင့် နည်းဗျူဟာမြောက်အကွက်များကို ဖော်ထုတ်အနိုင်ယူရန်မှာ လွယ်ကူလှသော ကိစ္စတစ်ရပ်တော့ မဟုတ်ပါ။ အထပ်ထပ်လေ့လာ လေ့ကျင့်ပြီး ကျေညက်ထားသောနည်းဗျူဟာများဖြင့် ကစားပါမှ တော်ကာကျပေမည်။
ယခင်အချိန်အခါက စစ်တုရင်ပြိုင်ပွဲများမှာ ပြိုင်ပွဲကစားစဉ်အခြေအနေက ပို၍အရေးပါခဲ့ပြီး လေ့လာစရာကစားပွဲများလည်း နည်းပါး၊ ကွန်ပျူတာလည်း မပေါ်ပေါက်သေးတဲ့အတွက် မိမိ၏ဦးနှောက်ကိုသာ အဓိကအသုံချရတော့တယ်။ ယနေ့အချိန်တွင်မူ ကွန်ပျူတာနည်းပညာအကူအညီ၊ အင်တာနက်အကူအညီစသဖြင့်ပေါများသောကြောင့် တိုက်ရိုက်လေ့လာကြည့်ရှုနိုင်ပြီဖြစ်ပြီး မူလအရင်းခံအထိ ခွဲခြမ်းစိတ်ဖြာ စစ်ဆေးချက်၊ သုံးသပ်ချက်များကို ကွန်ပျူတာအကူအညီဖြင့် စေခိုင်းလုပ်ဆောင်နေပြီဖြစ်ပါတယ်။ သို့အတွက် ယနေ့ခေတ်ပွဲများမှာ ပွဲမကစားမီ ကြိုတင်လေ့လာပြင်ဆင်မှုက အဓိကနေရာသို့ ရောက်ရှိလာပါတယ်။
ပြိုင်ပွဲပုံစံ (ဆွစ်စနစ်၊ ပတ်လည်စနစ်၊ ရှုံးထွက်စနစ်)
စစ်တုရင်တံခွန်စိုက်ပြိုင်ပွဲ (Chess Tournament)တွေမှာ ကျင့်သုံးတဲ့စနစ်တွေ အများကြီးရှိပါတယ်။ လက်ရှိကျင့်သုံးနေတဲ့ (Swiss System), (Round Robin) (Knockout System)အကြောင်းတွေကို ဖော်ပြသွားပါမယ်။
ဆွစ်စနစ်ကို ကစားသမားအများအပြား ၀င်ရောက်ယှဉ်ပြိုင်တဲ့ တံခွန်စိုက်ပြိုင်ပွဲတွေမှာ သုံးကြပါတယ်။ လက်ရှိလည်း အသုံးအများဆုံးပါ။ ဆွစ်စနစ် ပထမဆုံးအသုံးပြုခဲ့တာကတော့ ၁၈၉၅ခုနှစ် ဆွစ်ဇာလန်နိုင်ငံ ဇူးရစ်စစ်တုရင်ပြိုင်ပွဲမှာ စတင်အသုံးပြုခဲ့ပါတယ်။ ဒါကိုအစွဲပြုပြီး ဆွစ်စနစ်လို့ ခေါ်ဝေါ်ခြင်းလည်း ဖြစ်ပါတယ်။ ဆွစ်စနစ်မှာ အချီဘယ်လောက်ကစားမလဲဆိုတာ ကြိုတင်ဆုံးဖြတ်ရပါတယ်။ တစ်ဦးချင်း (သို့) အသင်းလိုက်ပြိုင်ပွဲဝင် ဦးရေပေါ်မူတည်ပြီး (၆)ချီ၊ (၇)ချီစသဖြင့် ပြိုင်ပွဲကျင်းပတဲ့သူက ကြိုတင်ဆုံးဖြတ်ထားရပါတယ်။ တစ်နည်းအားဖြင့်တော့ ဆွစ်စနစ်ဆိုတာ ကျဘမ်းစနစ်ပါ။ Round Robin နဲ့ Knockout System နှစ်ခုကို ပေါင်းစပ်ထားတယ်လို့လဲ ပြောလို့ရပါတယ်။
ဥပမာ။ ။ပြိုင်ပွဲဝင်ဦးရေ (၂၄)ဦးရှိတယ်ဆိုပါစို့။ ဆွစ်စနစ်နဲ့ ကျင်းပမယ်ဆိုရင် (၉)ချီလောက်နဲ့ ပြီးပါတယ်။ အားသာချက်ကတော့ ပြိုင်ပွဲအနည်းငယ်သာ ကစားရပါတယ်။ အချိန်ကုန်သက်သာပါတယ်။ ရှုံးလို့ထွက်သွားရတယ် ဆိုတာ မရှိပါဘူး။ (၂၄)ဦးစလုံး (၉)ချီကစားရပါတယ်။ အဖြူတစ်လှည့်၊ အနက်တစ်လှည့် ကိုင်ကစားရပါတယ်။ Scrabble ကစားသလိုမျိုးပေါ့။
ဒါကိုပဲ ပတ်လည်စနစ်(Round Robin)နဲ့ ကျင်းပမယ်ဆိုရင် (၂၄)ဦးဆိုတော့ (ဖြူ၊နက်တစ်လှည့်စီ) (၄၆)ချီကစားရပါတယ်။ ဘောလုံးအမှတ်ပေးစနစ်လိုပေါ့။ အိမ်ကွင်း၊အဝေးကွင်းကစားရသလိုပေါ့။ အချိန်ကြာပါတယ်။
ဒါကိုပဲ ရှုံးထွက်စနစ် (Knockout System)နဲ့ ကျင်းပမယ်ဆိုရင် (၂၄)ဦးဆိုတော့ (၂၃)ချီကစားရပါတယ်။ ရှုံးရင်ထွက်ရပြီး နောက်ဆုံး(၁)ဦးတည်း ကျန်ရှိပါတယ်။ English FA Cupလိုပေါ့။
ဆွစ်စနစ်ကို ကျဘမ်းစနစ် (Random System)လို့ပြောရတာက (၉)ချီဆိုရင် မိမိကျမယ့်အသင်းကို မဲစနစ်နဲ့ (၉)ခါ နှိုက်ရပါတယ်။ သင်ဟာ ကစားပွဲမှာ နိုင်ခဲ့လျှင် နောက်ပွဲမှာ ပိုကောင်းတဲ့ ပြိုင်ဘက်နဲ့တွေ့ တွေ့သွားရပါတယ်။ မိမိတွေ့ဆုံယှဉ်ပြိုင်ပြီးသား ပြိုင်ဘက်တွေကို ထပ်မဆုံတွေ့ပါ။ ပြိုင်ပွဲပြီးလို့ အမှတ်ပေးဇယားရဲ့ ထိပ်ဆုံးအသင်းတွေ ရမှတ်တူခဲ့ရင် Tie Break အမှတ်နဲ့ တွက်ပါတယ်။
ပတ်လည်စနစ်ကတော့ ရှင်းပါတယ်။ ပြိုင်ပွဲဝင်ဦးရေ (၄၊၅)ဦးလောက်ဆိုရင် ဒီစနစ်က အကောင်းဆုံးပါ။
ရှုံးထွက်စနစ်ကတော့ ပြိုင်ပွဲဝင်ဦးရေ များများနဲ့ ကစားရပြီး ချန်ပီယံဖြစ်ဖို့ တစ်ဆင့်ပြီး တစ်ဆင့် တက်လှမ်းရပါတယ်။ မိမိတွေ့ဆုံယှဉ်ပြိုင်ပြီးသား ပြိုင်ဘက်တွေကို ထပ်မံ ဆုံတွေ့နိုင်ပါတယ်။ ဒီစနစ်မှာလည်း နိုင်ပွဲတွေရလာတာနဲ့ နောက်ပွဲတွေမှာ ပိုကောင်းတဲ့ ပြိုင်ဘက်နဲ့တွေ့ တွေ့သွားရပါတယ်။ ဒီစနစ်ကတော့ စစ်တုရင်ပြိုင်ပွဲတွေမှာ အတွေ့ရနည်းပြီး လူကြိုက်လည်း နည်းပါတယ်။
ပြိုင်ပွဲ ကျင့်ဝတ်
နိုင်ငံတကာက စစ်တုရင်အဖွဲ့အစည်းတွေ လက်ခံကျင့်သုံးနေတဲ့ ပြိုင်ပွဲဝင်မည့်သူတွေရဲ့ လိုက်နာရမယ့် ကျင့်ဝတ်(Etiquette)အကျဉ်းပါ။ ရပ်ကွက်ပွဲတွေကစလို့ ကျင်းသုံးရင် အကောင်းဆုံးပါပဲ။
Ø ကစားပွဲ မစခင်နှင့် ကစားပွဲပြီးပြီးချင်း လက်ဆွဲနှုတ်ဆက်ခြင်း၊
Ø ကစားနေစဉ်အတွင်း စကားမပြောဘဲ နေခြင်း၊
Ø ကိုင်(ထိ)ကောင် ရွှေ့ရခြင်း (Touch Move)၊
Ø ပြိုင်ပွဲမစတင်မီ အနည်းဆုံး(၂၄)နာရီအတွင်း သင်၏သွားများကို သန့်ရှင်စွာ ထားခြင်း၊
Ø သင်၏ပြိုင်ဘက်ကို စိတ်ပျံ့လွင့်စေသည့် မည်သည့်ကိစ္စမျိုးကိုမဆို မပြုလုပ်ပါနှင့်၊
Ø သင်၏ပြိုင်ဘက်အကွက်ရွှေ့ရန် ကြာနေပါက သင်ရွှေ့ရမည့်အလှည့်စောင့်နေစဉ် ပြိုင်ပွဲခန်းမအတွင်းလမ်းလျှောက်ခြင်းမျိုးကဲ့သို့ ထသွားခြင်း၊ ထိုင်ခြင်းမျိုးကို ညင်သာစွာ ပြုလုပ်နိုင်ခြင်း၊
Ø အခြားသူတွေရဲ့ မှတ်ချက်စကားများကို လက်ခံခြင်း (သို့) သင်၏ကစားပွဲဖြစ်စေ၊ တခြားကစားပွဲများကိုဖြစ်စေ မှတ်ချက်မပေးပါနှင့်၊
Ø ပြောလို့ရတဲ့ မှတ်ချက်စကားများ ("ချက်"(Check), "သရေဆိုရင် သဘောတူသလား", "ဥပဒေပ ရွှေ့ကွက်ပဲ", "ကစားအရုပ် သင် ထိလိုက်တယ်")
(စာရေးသူ။ ။ ဒါကတော့ မလိုအပ်ပါဘူး)
Ø ဥပဒေပ ရွှေ့ကွက်တစ်ခုလုပ်ခဲ့လျှင် ပြိုင်ပွဲကြီးကြပ်သူထံကို ဆင့်ခေါ်ပါ။
Ø ပြိုင်ဘက်နှင့် အငြင်းအခုံဖြစ်ခဲ့လျှင် ပြိုင်ပွဲကြီးကြပ်သူထံ ချက်ခြင်းအကြောင်းကြားပါ။
Ø ကစားနေစဉ် ဆေးလိပ်မသောက်ရ၊
Ø ကစားပွဲချိန်ကြာခဲ့လျှင် (Snack)အစားအစာ စားလို့ရခြင်း၊
ပထမဆုံးအကြိမ် ပြိုင်ပွဲဝင် နည်းလမ်း
သင်ဟာ ပထမဆုံးအကြိမ်ပြိုင်ပွဲဝင်တော့မယ်ဆိုရင် ဒါတွေ သိဖို့နဲ့ ဆောင်ထားဖို့လည်း လိုအပ်ပါတယ်။
· စာရွက်နှင့် ခဲတံ (ရွှေ့ကွက်တွေကို မှတ်ဖို့)
· နာရီ (လက်ပတ်နာရီလောက်ဆိုရင် ဖြစ်ပါတယ်)
· ဘယ်လိုအမှတ်ပေးတာလည်း (စနစ်တွေကို သိထားရပါမယ်)
· ပြိုင်ပွဲသုံးနာရီ အသုံးပြုနည်းကို သိထားရပါမယ်
· ကိုင်ကောင်ရွှေ့ဆိုတာကို နားလည်ထားရပါမယ်
· ၀င်ရောက်ယှဉ်ပြိုင်ကြမယ့် လူစာရင်းနဲ့ သူတို့ရဲ့ ဧလိုစံနှုန်း (အဆင့်)တွေကို သိထားသင့်ပါတယ်
· လိုအပ်လျှင် လေ့လာဖို့ (စစ်တုရင်စာအုပ်၊ စစ်တုရင်ပရိုဂရမ်ပါတဲ့ ကွန်ပျူတာ၊ အင်တာနက်မှ သင်ခန်းစာ၊ သင်ခန်းစာတွေကို လေ့လာဖို့ နည်းပြ) စတာတွေ လိုအပ်ပါတယ်
ရည်ရွယ်ချက်
ကျွန်တော်ရေးရတဲ့ ရည်ရွယ်ချက်ကလည်း လေ့လာစုဆောင်းထားသမျှထဲမှ ကောင်းတာလေးတွေကို စုစုစည်းစည်း တင်ပြရခြင်း ဖြစ်ပါတယ်။ မြန်မာနိုင်ငံမှာ စစ်တုရင်ကစားတဲ့သူတွေကိုဆိုရင် အလုပ်မရှိ၊ အကိုင်မရှိ၊ ဂလေရိုက်နေတဲ့သူလို့ အများစုက မြင်နေတာဟာ စိတ်ပျက်ဖွယ်အကောင်းဆုံးပါပဲ။ စစ်တုရင်ကစားတာတောင် ခိုးကြောင်ခိုးဝှက် ကစားရတဲ့အခြေအနေပါ။ စစ်တုရင်ကိုဝါသနာပါလို့သင်မယ်ဆိုရင် နီးစပ်ရာအသိုင်းအ၀ိုင်းနားကလူတွေကိုပဲမေးပြီး သင်ရတဲ့အခြေအနေပါ။ ငယ်ငယ်ကတည်းက စနစ်တကျ သင်ယူခဲ့ရတာ မရှိသလောက်ပါပဲ။ မြန်မာနိုင်ငံမှာ စစ်တုရင်သင်တန်းကျောင်း၊ စစ်တုရင်အကယ်ဒမီ၊ မြန်မာစစ်တုရင်အဖွဲ့ချုပ်ဝက်ဘ်ဆိုက်၊ စစ်တုရင်ဘလော့ဂ် စသဖြင့် စစ်တုရင်သီးသန့်ဆိုတာ မရှိသေးတော့ ကျွန်တော်လည်း တစ်ထောင့်တစ်နေရာမှ အထောက်အကူအနည်းငယ်မျှရရ သဘောနဲ့ ဘလော့ဂ်ရေးသားရခြင်း ဖြစ်ပါတယ်။
စစ်တုရင်အားကစား အဆင့်အတန်းမြင့်၍ မြန်မာနိုင်ငံ ဂုဏ်တင့်ပါစေလို့ ဆုမွန်ခြွေလျှက်။
ဆက်ပြီးတော့လည်း ရေးပါဦးမယ်….။
ကိုကြည်